18.
一直唔知呢度寫嘢有冇人睇呢。

呢排,唔係好好。

17. 隨便喺網上都會遇到幾個受抑鬱焦慮影響嘅人。與其去諗呢個社會需要多啲關愛同教育呢類宏觀嘅事(當然都好重要),我都幾建議大家去諗,其實同路人都好多。個情況應該好似,「喂原來你又會生黑頭粉刺呀?我都係呀!」。  承上一篇講到,我哋要正視精神病係一種生理上嘅不平衡,皮膚會生黑頭粉刺都係一樣。可能係荷爾蒙失調,可以係水油唔平衡,可能係清潔保濕做得唔夠好。原因有十萬個,而有呢啲症狀嘅人實實在在唔止十萬個。所以呀,唔好諗「呢個社會搞到我哋咁咁咁」,因為我哋可以做得更好嘅係搵番啲同病相憐嘅人互相關心。  無錯呀,有情緒病真係好普遍,同人會生黑頭粉刺一樣咁普遍。呢個時候不如好似處理皮膚問題咁,四圍問下邊隻暗瘡膏好、邊個醫生好。因為呢類問題問啱人嘅話真係可以帶俾人鼓勵。

17.
隨便喺網上都會遇到幾個受抑鬱焦慮影響嘅人。與其去諗呢個社會需要多啲關愛同教育呢類宏觀嘅事(當然都好重要),我都幾建議大家去諗,其實同路人都好多。個情況應該好似,「喂原來你又會生黑頭粉刺呀?我都係呀!」。

承上一篇講到,我哋要正視精神病係一種生理上嘅不平衡,皮膚會生黑頭粉刺都係一樣。可能係荷爾蒙失調,可以係水油唔平衡,可能係清潔保濕做得唔夠好。原因有十萬個,而有呢啲症狀嘅人實實在在唔止十萬個。所以呀,唔好諗「呢個社會搞到我哋咁咁咁」,因為我哋可以做得更好嘅係搵番啲同病相憐嘅人互相關心。

無錯呀,有情緒病真係好普遍,同人會生黑頭粉刺一樣咁普遍。呢個時候不如好似處理皮膚問題咁,四圍問下邊隻暗瘡膏好、邊個醫生好。因為呢類問題問啱人嘅話真係可以帶俾人鼓勵。

16. 早幾日覆診,同醫生講到精神病情緒病係大腦分泌物唔平衡以致嘅症狀,然而好多人包括埋好多患者都冇、唔願意用呢個角度去睇精神病情緒病。  其他人唔明都仲okay,但一齊對抗病嘅朋友呀,點解你都要接受埋佢哋個套?點解要做佢哋口中「唔識睇開啲」、「唔好彩」嘅人呀?佢哋要將我哋標籤係沿於佢哋嘅唔明白、唔理解甚至係佢哋嘅自大,但我哋唔需要接受佢哋個套。精神病情緒病係大腦分泌物唔平衡以致嘅症狀。  我哋嘅大腦就係咁神奇,有少少嘢多咗或少咗就可以出問題。呢個時候,人唔認自己渺少都唔得,因為我哋連自己身體入面嘅狀況都控制唔到。不過黑暗中仍然有一點光,因為我哋仲有願意幫助我哋嘅人。  唔好聽佢哋講我哋只係「唔識睇開啲」、「唔好彩」嘅人,我哋同其他人都一樣都係身體啲物質唔balanced所以要睇醫生要食藥,而我哋係可以好番嘅。即使可能未來有一段好長嘅時間要食藥要覆診,但係經醫生嘅觀察同醫治,我哋一定會有進展嘅。唔得嘅,轉藥轉醫生啦(笑)。

16.
早幾日覆診,同醫生講到精神病情緒病係大腦分泌物唔平衡以致嘅症狀,然而好多人包括埋好多患者都冇、唔願意用呢個角度去睇精神病情緒病。

其他人唔明都仲okay,但一齊對抗病嘅朋友呀,點解你都要接受埋佢哋個套?點解要做佢哋口中「唔識睇開啲」、「唔好彩」嘅人呀?佢哋要將我哋標籤係沿於佢哋嘅唔明白、唔理解甚至係佢哋嘅自大,但我哋唔需要接受佢哋個套。精神病情緒病係大腦分泌物唔平衡以致嘅症狀。

我哋嘅大腦就係咁神奇,有少少嘢多咗或少咗就可以出問題。呢個時候,人唔認自己渺少都唔得,因為我哋連自己身體入面嘅狀況都控制唔到。不過黑暗中仍然有一點光,因為我哋仲有願意幫助我哋嘅人。

唔好聽佢哋講我哋只係「唔識睇開啲」、「唔好彩」嘅人,我哋同其他人都一樣都係身體啲物質唔balanced所以要睇醫生要食藥,而我哋係可以好番嘅。即使可能未來有一段好長嘅時間要食藥要覆診,但係經醫生嘅觀察同醫治,我哋一定會有進展嘅。唔得嘅,轉藥轉醫生啦(笑)。

15. 今日我同  @cheryl.favs  佢做咗大半日義工,幫手整理獻俾義士嘅花。所以我諗今日都係一個好嘅時間同大家講下,乜嘢係創傷後遺症🙏🏼  呢個名聽得多,真正同佢扯上關係就係喺五年前。當時睇新聞同埋親身所見所聞令到我食唔安坐唔樂,好似任何時候都要落現場又或者睇住新聞,又會覺得自己做到嘅嘢太少好內疚。所以有社工同我講,我個症狀同創傷後遺症好接近。呢兩個星期好多人都好大壓力,同唔少人傾計都知道為咗呢件事瞓唔着嘅人真係好多⋯  但係,第一部要擺脫嘅就係怪自己!事情發展到今時今日,始作俑者又係邊個呢?邊個令事情惡化嘅呢?大家唔好攬個責任上身。好多人都會擔心事態發展而選擇通宵睇新聞,但係老土啲講,件事亦唔會因為你通宵睇新聞而變得平淡。過分操勞,又或者休息唔夠,只會令到喺我哋需要你嘅時候你會俾唔足100%,大家俾足100%係好緊要架。  知道咁樣講只係紙上談兵,另外一個實戰啲嘅貼士就係「多啲同人傾計」!講咩都得,講新聞又得講無聊野又得,最緊要嘅係你有同人相處、交流嘅時間。你要知道有好多人同你同行,大家一齊傾下分析下無聊下笑下喊下。呢個真係好有用!!!  講番今日,一齊執花嘅人真係好多好多⋯真係好令人動容⋯⋯

15.
今日我同 @cheryl.favs 佢做咗大半日義工,幫手整理獻俾義士嘅花。所以我諗今日都係一個好嘅時間同大家講下,乜嘢係創傷後遺症🙏🏼

呢個名聽得多,真正同佢扯上關係就係喺五年前。當時睇新聞同埋親身所見所聞令到我食唔安坐唔樂,好似任何時候都要落現場又或者睇住新聞,又會覺得自己做到嘅嘢太少好內疚。所以有社工同我講,我個症狀同創傷後遺症好接近。呢兩個星期好多人都好大壓力,同唔少人傾計都知道為咗呢件事瞓唔着嘅人真係好多⋯

但係,第一部要擺脫嘅就係怪自己!事情發展到今時今日,始作俑者又係邊個呢?邊個令事情惡化嘅呢?大家唔好攬個責任上身。好多人都會擔心事態發展而選擇通宵睇新聞,但係老土啲講,件事亦唔會因為你通宵睇新聞而變得平淡。過分操勞,又或者休息唔夠,只會令到喺我哋需要你嘅時候你會俾唔足100%,大家俾足100%係好緊要架。

知道咁樣講只係紙上談兵,另外一個實戰啲嘅貼士就係「多啲同人傾計」!講咩都得,講新聞又得講無聊野又得,最緊要嘅係你有同人相處、交流嘅時間。你要知道有好多人同你同行,大家一齊傾下分析下無聊下笑下喊下。呢個真係好有用!!!

講番今日,一齊執花嘅人真係好多好多⋯真係好令人動容⋯⋯

14. 過去呢五個星期基本上日日都有做運動,開始咗呢個咁健康嘅習慣。好多人都話做運動對精神健康有幫助,我覺得我嘅經驗尚淺未能夠分享,但身體機能好咗呢一點都幾明顯。  講番我呢排嘅病況,唔知點解最新加個隻藥開始變得冇咁「有效」:我依然會發好多惡夢,一樣都係訓醒都好攰。但咁樣都出乎我意料,我以為隻藥嘅劑量已經夠,又或者我以為我嘅情況已經受到相當程度嘅控制。  睇嚟我嘅病情同好多人都一樣,真係唔係咁簡單。

14.
過去呢五個星期基本上日日都有做運動,開始咗呢個咁健康嘅習慣。好多人都話做運動對精神健康有幫助,我覺得我嘅經驗尚淺未能夠分享,但身體機能好咗呢一點都幾明顯。

講番我呢排嘅病況,唔知點解最新加個隻藥開始變得冇咁「有效」:我依然會發好多惡夢,一樣都係訓醒都好攰。但咁樣都出乎我意料,我以為隻藥嘅劑量已經夠,又或者我以為我嘅情況已經受到相當程度嘅控制。

睇嚟我嘅病情同好多人都一樣,真係唔係咁簡單。

13. 又有一排冇update呢度,因為過去嘅幾星期都忙住籌備Reimagine______。雖然都有為成個event緊張,但就冇Panic attack又冇其他symptoms,我諗我個情況真係好咗唔少。醫生都話最新加嘅藥好幫到我嘅情況,過耐啲可能可做去到full recovery。  早幾日同另一位reviewer傾計,佢講到自己唔想成世都食藥。我諗番其實我自己都有經歷過呢一個階段好唔想食藥。之後我就話,其實好多有呢一方面困擾嘅人都好慣常喺度self-pity。  咩意思呢?即係好似覺得「全世界最不幸嘅人就係我自己,因為我要食藥先面對到生活、工作⋯⋯」,又或者「冇架喇我唔會好番架喇,要成世都食藥⋯⋯」,呢啲我就會歸類為self-pity,俾自己無限放大自己覺得係弱點嘅aspect。點解用self-pity去面對自己唔好?因為會搞到焦點錯置,不合理地放大「食藥」、「睇醫生」係「弱者嘅表現」。點解有得食藥就係唔好呢?點解有得睇醫生就係唔好呢?  好似我上一篇講到,原來人就係咁化學,我加多咗一粒0.5mg嘅藥病情已經好好多,個腦運作真係咁化學。食藥唔係去抑制你嘅不能,食藥係去令到你腦入面嘅chemicals平衡。平時護膚過程我哋都會話呀要做好啲補濕,又要美白呀去斑呀,其實搽呢啲護膚品同食精神科藥物都好類似。兩者都係令到我哋身體入面嘅物質比例去到理想嘅水平,但我哋從來唔會自憐「全世界最不幸嘅人就係我自己,因為我要搽補濕精華⋯⋯」,又或者「冇架喇我唔會好番架喇,要成世都要搽補濕⋯⋯」。  成日話社會妖魔化精神病,又話其他人唔明,但我哋都唔好忽略自己都係社會嘅一分子,我哋都係人。我哋比起外人更加應該好好接納自己。

13.
又有一排冇update呢度,因為過去嘅幾星期都忙住籌備Reimagine______。雖然都有為成個event緊張,但就冇Panic attack又冇其他symptoms,我諗我個情況真係好咗唔少。醫生都話最新加嘅藥好幫到我嘅情況,過耐啲可能可做去到full recovery。

早幾日同另一位reviewer傾計,佢講到自己唔想成世都食藥。我諗番其實我自己都有經歷過呢一個階段好唔想食藥。之後我就話,其實好多有呢一方面困擾嘅人都好慣常喺度self-pity。

咩意思呢?即係好似覺得「全世界最不幸嘅人就係我自己,因為我要食藥先面對到生活、工作⋯⋯」,又或者「冇架喇我唔會好番架喇,要成世都食藥⋯⋯」,呢啲我就會歸類為self-pity,俾自己無限放大自己覺得係弱點嘅aspect。點解用self-pity去面對自己唔好?因為會搞到焦點錯置,不合理地放大「食藥」、「睇醫生」係「弱者嘅表現」。點解有得食藥就係唔好呢?點解有得睇醫生就係唔好呢?

好似我上一篇講到,原來人就係咁化學,我加多咗一粒0.5mg嘅藥病情已經好好多,個腦運作真係咁化學。食藥唔係去抑制你嘅不能,食藥係去令到你腦入面嘅chemicals平衡。平時護膚過程我哋都會話呀要做好啲補濕,又要美白呀去斑呀,其實搽呢啲護膚品同食精神科藥物都好類似。兩者都係令到我哋身體入面嘅物質比例去到理想嘅水平,但我哋從來唔會自憐「全世界最不幸嘅人就係我自己,因為我要搽補濕精華⋯⋯」,又或者「冇架喇我唔會好番架喇,要成世都要搽補濕⋯⋯」。

成日話社會妖魔化精神病,又話其他人唔明,但我哋都唔好忽略自己都係社會嘅一分子,我哋都係人。我哋比起外人更加應該好好接納自己。

12. 呢排其實訓得好咗,我諗主要原因係醫生開咗一隻藥去幫我處理「停唔到諗嘢」嘅狀態。  晚晚去到訓覺嗰時就會係咁諗嘢好似好興奮咁,有啲似小學時期去旅行會前一晚好興奮訓唔著咁,不過我個情況就係晚晚都係咁⋯⋯醫生同我試緊呢隻藥可以幫我諗慢啲?  睇番隻藥嘅作用係令人專注啲,亦可以令人諗嘢正面啲。  暫時食嘅dosage都好低,而我冇點感覺到有副作用(又或者係未留意到)。不過諗下覺得啲藥好神奇,人嘅腦同思考就真係咁化學。

12.
呢排其實訓得好咗,我諗主要原因係醫生開咗一隻藥去幫我處理「停唔到諗嘢」嘅狀態。

晚晚去到訓覺嗰時就會係咁諗嘢好似好興奮咁,有啲似小學時期去旅行會前一晚好興奮訓唔著咁,不過我個情況就係晚晚都係咁⋯⋯醫生同我試緊呢隻藥可以幫我諗慢啲?

睇番隻藥嘅作用係令人專注啲,亦可以令人諗嘢正面啲。

暫時食嘅dosage都好低,而我冇點感覺到有副作用(又或者係未留意到)。不過諗下覺得啲藥好神奇,人嘅腦同思考就真係咁化學。

11. 話說喺政府睇精神科都好似睇其他專科咁,好多病人會喺中央等候區等嗌名,而好多時候都要等一段唔短嘅時間。咁喺呢段等待嘅時間呢通常會留意下其他病人,有時都會帶本書,一路等一路睇,因為都真係要等幾耐下。  病人當中有唔少係「典型病人樣」,即係好似大眾傳媒描寫個一類戴晒帽戴口罩(同我嘅受害人look差不多),又有啲係冇咩特別好似啱啱落街咁嘅病人,同時又會有啲好受到困擾嘅人會大叫。呢個係一個唔安靜嘅等候區。  而我學到嘅係要改變自己心態。如果我感覺自己比其他人「正常」而避開其他病人,其實我比社會中其他冇病嘅人更加虛偽。明明大家都坐喺同一條船,又點可以歧視其他人呢?我唔係應該更加能夠明白其他病人嘅痛苦嗎?

11.
話說喺政府睇精神科都好似睇其他專科咁,好多病人會喺中央等候區等嗌名,而好多時候都要等一段唔短嘅時間。咁喺呢段等待嘅時間呢通常會留意下其他病人,有時都會帶本書,一路等一路睇,因為都真係要等幾耐下。

病人當中有唔少係「典型病人樣」,即係好似大眾傳媒描寫個一類戴晒帽戴口罩(同我嘅受害人look差不多),又有啲係冇咩特別好似啱啱落街咁嘅病人,同時又會有啲好受到困擾嘅人會大叫。呢個係一個唔安靜嘅等候區。

而我學到嘅係要改變自己心態。如果我感覺自己比其他人「正常」而避開其他病人,其實我比社會中其他冇病嘅人更加虛偽。明明大家都坐喺同一條船,又點可以歧視其他人呢?我唔係應該更加能夠明白其他病人嘅痛苦嗎?

10. 分享樣嘢,我以前有班同學真係好狗。  當佢哋知道我要睇精神科要食藥,作為成年人佢哋唔係「關心」、「慰問」(講真個句,我都唔要需要佢哋假情假意嘅關心同慰問),而係喺背後興風作浪,喺行內同其他人gossip。  well,其實我有冇食藥有冇睇醫生同其他唔識我嘅人嚟講係完全無重要,但當佢哋都冇咩好就住我嚟發表嘅時候,佢哋竟然係選擇分享我睇精神科嘅事實。  我又冇咩嘢捐失嘅,工作上得到上司同同事嘅肯定,都唔洗理出面嘅人要講啲咩。不過就覺得呢班人好嘔心囉,去到2019年都仲諗住用「精神病病人」嚟中傷其他人,將人哋嘅事當係茶餘飯後嘅話題。都幾可悲,冇嘢好講到要講我呢個nobody嘅健康狀況。真心希望佢哋身邊嘅人唔會有抑鬱同焦慮。  如果你一樣都俾身邊嘅人講,記住戇居嘅人唔係你而係佢哋,戇居到冇嘢好講,要講喺佢哋生命中嘅nobody嘅健康狀況。佢哋要講要閒言閒語嘅話,認清佢哋啦。

10.
分享樣嘢,我以前有班同學真係好狗。

當佢哋知道我要睇精神科要食藥,作為成年人佢哋唔係「關心」、「慰問」(講真個句,我都唔要需要佢哋假情假意嘅關心同慰問),而係喺背後興風作浪,喺行內同其他人gossip。

well,其實我有冇食藥有冇睇醫生同其他唔識我嘅人嚟講係完全無重要,但當佢哋都冇咩好就住我嚟發表嘅時候,佢哋竟然係選擇分享我睇精神科嘅事實。

我又冇咩嘢捐失嘅,工作上得到上司同同事嘅肯定,都唔洗理出面嘅人要講啲咩。不過就覺得呢班人好嘔心囉,去到2019年都仲諗住用「精神病病人」嚟中傷其他人,將人哋嘅事當係茶餘飯後嘅話題。都幾可悲,冇嘢好講到要講我呢個nobody嘅健康狀況。真心希望佢哋身邊嘅人唔會有抑鬱同焦慮。

如果你一樣都俾身邊嘅人講,記住戇居嘅人唔係你而係佢哋,戇居到冇嘢好講,要講喺佢哋生命中嘅nobody嘅健康狀況。佢哋要講要閒言閒語嘅話,認清佢哋啦。

9. 呢排同個讀緊臨床心理學嘅朋友傾到有關於「負面思緒」。  當抑鬱嚟到嘅時候,好多人感受到嘅除咗係令人塞息嘅失落感之外,另一種就係腦袋一片空白嘅抽離感。其實我都唔係好識形容,個感覺好似個腦突然停咗唔識諗嘢咁,而呢種狀態都幾得人驚。好似咩都諗唔到,只有一片空白同埋一片漆黑。  我自己嘅經驗係任由呢一種空白/漆黑過渡,因為我自己嘅經歷中呢個狀態都唔會維持好耐。當「醒番」嘅時候要學識同自己講:it’s okay。訓練自己將呢一種空白/漆黑變成腦袋休息嘅時間,好快呢個狀態就唔會再可怕。  其實咁樣講好抽象,但我真心相信呢種應對方法係可以透過訓練、練習而變得得心應手。  要記住你曾經戰勝黑暗,你亦可以再次戰勝黑暗。

9.
呢排同個讀緊臨床心理學嘅朋友傾到有關於「負面思緒」。

當抑鬱嚟到嘅時候,好多人感受到嘅除咗係令人塞息嘅失落感之外,另一種就係腦袋一片空白嘅抽離感。其實我都唔係好識形容,個感覺好似個腦突然停咗唔識諗嘢咁,而呢種狀態都幾得人驚。好似咩都諗唔到,只有一片空白同埋一片漆黑。

我自己嘅經驗係任由呢一種空白/漆黑過渡,因為我自己嘅經歷中呢個狀態都唔會維持好耐。當「醒番」嘅時候要學識同自己講:it’s okay。訓練自己將呢一種空白/漆黑變成腦袋休息嘅時間,好快呢個狀態就唔會再可怕。

其實咁樣講好抽象,但我真心相信呢種應對方法係可以透過訓練、練習而變得得心應手。

要記住你曾經戰勝黑暗,你亦可以再次戰勝黑暗。

8. 有個朋友問我,對於網上個啲「depression test/anxiety test」有咩睇法。我都幾斬釘截鐵咁答:廢囉。  廢唔係因為呢啲online tests內容廢,而係你做呢啲測試之前個前設已經廢。就正如無覺得「自己可能發燒」嘅人唔會無啦啦自己走去拎探熱針探熱,亦唔會問人「應唔應該探熱」,因為會自己走去/想去探熱嘅人就係個啲feel到個身不尋常地熱、覺得周身唔聚財嘅人。  咁即係我想講咩?勇敢啲面對自己吧。  當你覺得自己唔舒服、唔妥,你需要嘅唔係第二、三、四、五個人同你講:「errrr,你好似真係有啲唔舒服,唔妥喎老友」。  你需要嘅係對自己嘅接納,接納自己嘅軟弱。軟弱唔係弱者嘅標籤,知道自己嘅軟弱而又肯面對軟弱嘅人先係強者。接納完自己,就搵專業嘅人幫手吧。

8.
有個朋友問我,對於網上個啲「depression test/anxiety test」有咩睇法。我都幾斬釘截鐵咁答:廢囉。

廢唔係因為呢啲online tests內容廢,而係你做呢啲測試之前個前設已經廢。就正如無覺得「自己可能發燒」嘅人唔會無啦啦自己走去拎探熱針探熱,亦唔會問人「應唔應該探熱」,因為會自己走去/想去探熱嘅人就係個啲feel到個身不尋常地熱、覺得周身唔聚財嘅人。

咁即係我想講咩?勇敢啲面對自己吧。

當你覺得自己唔舒服、唔妥,你需要嘅唔係第二、三、四、五個人同你講:「errrr,你好似真係有啲唔舒服,唔妥喎老友」。

你需要嘅係對自己嘅接納,接納自己嘅軟弱。軟弱唔係弱者嘅標籤,知道自己嘅軟弱而又肯面對軟弱嘅人先係強者。接納完自己,就搵專業嘅人幫手吧。

7. 隔咗兩個幾月,今朝又係睇醫生嘅時間喇。自從quit咗上一份令我病情嚴重咗好多嘅工之後,一直都睇住呢個醫生。因為情況穩定咗好多嘅關系,而家都係隔一段長少少嘅時間再覆診嘅。  呢排我都覺得我情況穩定咗好多,而家嘅問題主要係我唔食藥訓唔到覺,同時訓著咗又會發好多惡夢。不過開心嘅係今日醫生見到我話從我個樣都覺得我好番好多,見到有喜樂。  我有提起我喺網上面分享精神健康嘅資料,佢就同我分享咗嚟緊診所會搞呢一個free嘅workshop!我都問得好清楚呢個係唔係religion neutral嘅,醫生話mindfulness所講嘅靜觀呼吸係醫學上嘅理論同科學研究嚟嘅(同yoga/meditation嘅呼吸法嘅理念唔同)。  呢個workshop有兩個時段嘅,一個係2019年4月6 日星期六晚,第二個係2019年4月14日星期日晚。  如果有興趣嘅可以whatsapp 5111-0005,個promo code係:靜觀2019。利申番先,我冇佣收架 LOL

7.
隔咗兩個幾月,今朝又係睇醫生嘅時間喇。自從quit咗上一份令我病情嚴重咗好多嘅工之後,一直都睇住呢個醫生。因為情況穩定咗好多嘅關系,而家都係隔一段長少少嘅時間再覆診嘅。

呢排我都覺得我情況穩定咗好多,而家嘅問題主要係我唔食藥訓唔到覺,同時訓著咗又會發好多惡夢。不過開心嘅係今日醫生見到我話從我個樣都覺得我好番好多,見到有喜樂。

我有提起我喺網上面分享精神健康嘅資料,佢就同我分享咗嚟緊診所會搞呢一個free嘅workshop!我都問得好清楚呢個係唔係religion neutral嘅,醫生話mindfulness所講嘅靜觀呼吸係醫學上嘅理論同科學研究嚟嘅(同yoga/meditation嘅呼吸法嘅理念唔同)。

呢個workshop有兩個時段嘅,一個係2019年4月6 日星期六晚,第二個係2019年4月14日星期日晚。

如果有興趣嘅可以whatsapp 5111-0005,個promo code係:靜觀2019。利申番先,我冇佣收架 LOL

6. 唔食藥 =訓唔到 食咗藥 =發惡夢/朝早好難醒/訓醒好頭痛  慘,我都好想去番以前咁,一訓落床就訓到覺。

6.
唔食藥 =訓唔到
食咗藥 =發惡夢/朝早好難醒/訓醒好頭痛

慘,我都好想去番以前咁,一訓落床就訓到覺。

5. 最麻煩嘅莫過於試藥。  藥嘅副作用隻隻唔同,人人感受又唔同。我試過嘅第一隻藥食完好似打咗懵仔針咁,個腦load唔到嘢只可以訓覺,又對答唔到,真係成個人戇居居。  後轉咗嘅野就冇咩副作用,又唔會肥唔會嘔。因為番工嘅關系要加重劑量,同一隻食藥加咗四倍,同時間醫生開多咗隻藥俾我去訓得好啲。食呢隻藥又係副作用都幾大,個人心跳快咗又好易出汗,食完藥半個鐘就會昏睡。但係昏睡嘅後果係每晚(係每一晚)食完藥訓都會發惡夢,仲要第二朝起唔到身(最少訓十二個鐘)。所以,我都唔知佢係咪啱我食。  最帶苦嘅真係莫過於試藥。不過咁,即便試藥幾煩都好,唔好過分放大個藥嘅side effects。明明叫side effects即係唔係最主要,啲藥出得個market而個醫生又會得俾你即係專業人士覺得啲藥俾到你嘅正面效果 > 你本身嘅症狀+副作用嘅負面效果。  所以就好似唔好放棄搵你嘅老公老婆一樣,唔好放棄試藥。

5.
最麻煩嘅莫過於試藥。

藥嘅副作用隻隻唔同,人人感受又唔同。我試過嘅第一隻藥食完好似打咗懵仔針咁,個腦load唔到嘢只可以訓覺,又對答唔到,真係成個人戇居居。

後轉咗嘅野就冇咩副作用,又唔會肥唔會嘔。因為番工嘅關系要加重劑量,同一隻食藥加咗四倍,同時間醫生開多咗隻藥俾我去訓得好啲。食呢隻藥又係副作用都幾大,個人心跳快咗又好易出汗,食完藥半個鐘就會昏睡。但係昏睡嘅後果係每晚(係每一晚)食完藥訓都會發惡夢,仲要第二朝起唔到身(最少訓十二個鐘)。所以,我都唔知佢係咪啱我食。

最帶苦嘅真係莫過於試藥。不過咁,即便試藥幾煩都好,唔好過分放大個藥嘅side effects。明明叫side effects即係唔係最主要,啲藥出得個market而個醫生又會得俾你即係專業人士覺得啲藥俾到你嘅正面效果 > 你本身嘅症狀+副作用嘅負面效果。

所以就好似唔好放棄搵你嘅老公老婆一樣,唔好放棄試藥。

4. 覺得有樣幾好笑嘅係,當我喺我自己platform同有困擾嘅人講「睇醫生」,梗係會有啲人跳出嚟話我講廢話/係咪都叫人睇醫生。  或者咁講,跳得出嚟呢啲人都應該冇需要去搵專業協助。well,好事嚟嘅。  點解我咁宣揚要搵精神科醫生(或其他專業人士)係因為我唔想「睇醫生」再被污名化。唔知點解去搵「精神科」要遮遮掩掩,好驚俾人標籤咁。但係我嘅說法一直都係姑且當你嘅情緒波動視為生理反應(事實真係生理反應),咁睇醫生就變得好合理。唔係社會所諗咁嘅「只有痴線佬/變態佬」先fall into精神科嘅框框在,訓唔到覺、抵制唔到好想食嘢、抵制唔到一定要係咁洗手,再去到長期唔開心、心跳加快等等⋯⋯呢啲全部都係精神科關心嘅嘢。  咁點解要睇醫生?因為佢哋專業囉 LOL 佢哋比我哋更了解更容易分析我哋嘅行為/生理反應囉。而最緊要係佢哋俾到協助我哋去面對我哋生活(又有幾多人想晚晚訓唔到覺呀)。  如果你都唔知自己咩料,又或者其實都知自己咩料但想更容易面對生活就搵人幫啦。你唔係得你自己一個架!

4.
覺得有樣幾好笑嘅係,當我喺我自己platform同有困擾嘅人講「睇醫生」,梗係會有啲人跳出嚟話我講廢話/係咪都叫人睇醫生。

或者咁講,跳得出嚟呢啲人都應該冇需要去搵專業協助。well,好事嚟嘅。

點解我咁宣揚要搵精神科醫生(或其他專業人士)係因為我唔想「睇醫生」再被污名化。唔知點解去搵「精神科」要遮遮掩掩,好驚俾人標籤咁。但係我嘅說法一直都係姑且當你嘅情緒波動視為生理反應(事實真係生理反應),咁睇醫生就變得好合理。唔係社會所諗咁嘅「只有痴線佬/變態佬」先fall into精神科嘅框框在,訓唔到覺、抵制唔到好想食嘢、抵制唔到一定要係咁洗手,再去到長期唔開心、心跳加快等等⋯⋯呢啲全部都係精神科關心嘅嘢。

咁點解要睇醫生?因為佢哋專業囉 LOL 佢哋比我哋更了解更容易分析我哋嘅行為/生理反應囉。而最緊要係佢哋俾到協助我哋去面對我哋生活(又有幾多人想晚晚訓唔到覺呀)。

如果你都唔知自己咩料,又或者其實都知自己咩料但想更容易面對生活就搵人幫啦。你唔係得你自己一個架!

3. 其實我都明個講法:冇病嘅人永遠都唔會明抑鬱/焦慮係一件點樣嘅事。  最多人嘅反應咪就係:「做咩要諗埋一邊姐?唔開心又係咁過,開心又係咁過,咁點解要唔開心咁過呢?人人都有唔開心嘅時候架啦,好小事姐。」  講真個句,呢啲都係難聽過粗口(笑)。  因為唔係我哋自己自尋煩惱懶係多愁善感,而係啲煩惱呀多愁善感呀自己走埋嚟,個感覺就好似係冇冷氣嘅香港夏天,係戶外坐坐下啲汗自己會滴會自己冒出嚟。係啲汗自己嚟,唔係我哋無啦啦無汗搵啲汗搽喺塊面度然後抱怨做咩咁熱搞到我流汗。  就好似訓唔到覺咁。唔係我哋唔想訓,係訓唔到,訓到都訓訓下會扎醒又或者係咁發惡夢。講開又講,我都好似大半年差不多一年唔可以自然訓著(一定要食藥),而食藥訓覺嘅副作用就係慢慢發惡夢。一時時啦,一時係發夢打仗,一時係發夢俾人老強,總之就係個隻訓完仲衰過未訓嘅睡眠質素。  就係咁啦,冇病就人真係唔會明。

3.
其實我都明個講法:冇病嘅人永遠都唔會明抑鬱/焦慮係一件點樣嘅事。

最多人嘅反應咪就係:「做咩要諗埋一邊姐?唔開心又係咁過,開心又係咁過,咁點解要唔開心咁過呢?人人都有唔開心嘅時候架啦,好小事姐。」

講真個句,呢啲都係難聽過粗口(笑)。

因為唔係我哋自己自尋煩惱懶係多愁善感,而係啲煩惱呀多愁善感呀自己走埋嚟,個感覺就好似係冇冷氣嘅香港夏天,係戶外坐坐下啲汗自己會滴會自己冒出嚟。係啲汗自己嚟,唔係我哋無啦啦無汗搵啲汗搽喺塊面度然後抱怨做咩咁熱搞到我流汗。

就好似訓唔到覺咁。唔係我哋唔想訓,係訓唔到,訓到都訓訓下會扎醒又或者係咁發惡夢。講開又講,我都好似大半年差不多一年唔可以自然訓著(一定要食藥),而食藥訓覺嘅副作用就係慢慢發惡夢。一時時啦,一時係發夢打仗,一時係發夢俾人老強,總之就係個隻訓完仲衰過未訓嘅睡眠質素。

就係咁啦,冇病就人真係唔會明。

2. 「你有冇諗過,如果你冇呢個病,你呢幾年會點過?」,一個比我抑鬱焦慮症情況嚴重好多嘅朋友問過我呢條問題。佢繼續:「我成日都諗,如果呢幾年我冇呢個病我會係個點嘅人、呢幾年又會係點樣過。」  我諗咗一諗,咁樣答佢:「我唔會諗如果冇病會點,因為佢係我嘅一部分,而家嘅我就唔會係我如果冇咗佢。就當呢個係我嘅缺陷,但佢絕對唔係我嘅全部。」  如果你仲係個漩渦當中嘅,唔好向後望諗如果(有如果就真係冇乞衣),因為漩渦會成為你人生閱歷嘅一頁但絕對唔會係你人生嘅所有。俾多個例子你,又有邊個想全面生嚴重暗瘡?有時我都諗,呀如果我青春期去到而家都冇爛過面就好喇。但,我發現我嘅經歷雖然係十分難過,但爛過面嘅我先係我,仲因為爛過面我而家可以上網分享幫到好多人  係度唔係想做正面L大叫愛自己/我很美呢啲口號。講真個句爛面又好,抑鬱焦慮又好我哋都唔洗浪漫化佢地。老套啲講you only live once,不如就喺缺陷、殘缺入面繼續行,反正我哋個個都係充滿缺陷。共勉之。

2.
「你有冇諗過,如果你冇呢個病,你呢幾年會點過?」,一個比我抑鬱焦慮症情況嚴重好多嘅朋友問過我呢條問題。佢繼續:「我成日都諗,如果呢幾年我冇呢個病我會係個點嘅人、呢幾年又會係點樣過。」

我諗咗一諗,咁樣答佢:「我唔會諗如果冇病會點,因為佢係我嘅一部分,而家嘅我就唔會係我如果冇咗佢。就當呢個係我嘅缺陷,但佢絕對唔係我嘅全部。」

如果你仲係個漩渦當中嘅,唔好向後望諗如果(有如果就真係冇乞衣),因為漩渦會成為你人生閱歷嘅一頁但絕對唔會係你人生嘅所有。俾多個例子你,又有邊個想全面生嚴重暗瘡?有時我都諗,呀如果我青春期去到而家都冇爛過面就好喇。但,我發現我嘅經歷雖然係十分難過,但爛過面嘅我先係我,仲因為爛過面我而家可以上網分享幫到好多人

係度唔係想做正面L大叫愛自己/我很美呢啲口號。講真個句爛面又好,抑鬱焦慮又好我哋都唔洗浪漫化佢地。老套啲講you only live once,不如就喺缺陷、殘缺入面繼續行,反正我哋個個都係充滿缺陷。共勉之。

1. 工作上每日三次上晝下晝傍晚嘅工作會議;工作量同上司一樣咄咄逼人;無情(大多時候無理添)客戶set嘅每星期進度匯報會議;無理(大多時候冇腦添)客戶打電話/email逼迫即時嘅答覆/承諾/數據/設計/想法;荒謬又虛偽嘅客戶處處留難但其實又冇料扮四條⋯嗯,第一次番工mental breakdown 嘅大致環境因素呢啲走唔甩。  個日開開下會我徒手啪斷嘅鉛筆我仲留住。  生活中要我地停低關心下自己嘅生理同心理健康嘅警鐘唔一定要係大病,小小嘅警號其實力量都好大。醒下!唔好放棄愛自己!縱下自己啦,休息就好好休息 :)  괜찮아, 잘했어.

1.
工作上每日三次上晝下晝傍晚嘅工作會議;工作量同上司一樣咄咄逼人;無情(大多時候無理添)客戶set嘅每星期進度匯報會議;無理(大多時候冇腦添)客戶打電話/email逼迫即時嘅答覆/承諾/數據/設計/想法;荒謬又虛偽嘅客戶處處留難但其實又冇料扮四條⋯嗯,第一次番工mental breakdown 嘅大致環境因素呢啲走唔甩。

個日開開下會我徒手啪斷嘅鉛筆我仲留住。

生活中要我地停低關心下自己嘅生理同心理健康嘅警鐘唔一定要係大病,小小嘅警號其實力量都好大。醒下!唔好放棄愛自己!縱下自己啦,休息就好好休息 :)

괜찮아, 잘했어.