可持續時裝?人道嘅時裝?綠色時裝?

我諗我同好多人一樣都覺得自己係熱愛時裝嘅人。我呢度所指嘅「時裝」亦好可能同好多人一樣都係指緊衫褲鞋襪、手袋首飾,都係一啲我哋平時買到嘅嘢。所以一開始聽到呢啲名詞 —「可持續時裝」/「人道嘅時裝」/「綠色時裝」,我就問自己,呀其實時裝係指緊啲咩嘅呢?

如果而家有人提倡要令時裝變得「可持續」/「人道」/「綠色」,咁即係而家我哋日常接觸到所見到嘅都係「不可持續」/「唔人道」/「唔綠色」。但其實,係時裝嘅底蘊正正就喺呢啲價值呀,定係其實只係我哋一直扭曲緊時裝嘅真正意義、時裝嘅真締呢?

係呢度我分享番我學習到有關時裝嘅一切。

Slow Fashion Season

全球14,487人(包括我)一齊約定,由2019年6月21日到9月21日都唔買新嘅衣物!喺呢段期間大家一齊反思自己嘅消費模式,同時如果要買衫只可以買二手或中古物,一齊大減自己衣櫃嘅碳排放。

今次仲做埋佢哋全球代表之一!嚟緊會有多啲updates。

1. #WhoMadeMyClothes?   以前我從來冇問過呢個問題。而家我先明白到,唔理係生產、原料供應、使用又或者係丟棄嘅過程,所有布料、所有紡織物都有人嘅投入。

1. #WhoMadeMyClothes?

以前我從來冇問過呢個問題。而家我先明白到,唔理係生產、原料供應、使用又或者係丟棄嘅過程,所有布料、所有紡織物都有人嘅投入。

2. Fashion Revolution宣言

2018年嘅秋天我認識到Fashion Revolution呢個好熱心嘅組織,第一眼吸引到我嘅其實就係佢哋顏色好豐富嘅圖象。睇番佢地嘅簡介我先知道原來Fashion Revolution嘅背後係嚟自各行各業嘅人,而呢班人聚埋一齊嘅原因就係佢哋想見到一個「時裝革命」。為咗了解多啲我就睇咗佢哋嘅宣言 — 一份好有重量、好精要而又好令我大開眼界嘅宣言。

3. 2013年孟加拉薩瓦區大樓倒塌事故   要了解今時今日大家消費時裝嘅模式所帶嚟嘅影響,其中一個比較具體嘅例子就會係2013年孟加拉薩瓦區大樓倒塌事故。死亡人數達1,127人、約2,500人受傷,係孟加拉死傷最嚴程嘅工業事故之一。  成棟大樓第五層至第八層都係未經允許而私自建造,實際上許可證只係允許建築4層樓的建築。根據當地新聞媒體嘅報導,當地核查人員喺4月23日(即事故前一日)進行檢查嘅時候已經發現大樓表面出現裂縫,隨即要求疏散大廈入面所有人員而且仲要同時永久關閉呢棟大廈。位於下面幾層嘅幾間商店同一間銀行喺得到消息後即刻關閉,但係服裝工廠負責人(有為唔少fast fahion提供服務,例如:Primark、Walmart)喺4月24日要求工人繼續番工,又同工人講大樓建築並無安全問題。  不人道嘅商業手法真係好嘔心。

3. 2013年孟加拉薩瓦區大樓倒塌事故

要了解今時今日大家消費時裝嘅模式所帶嚟嘅影響,其中一個比較具體嘅例子就會係2013年孟加拉薩瓦區大樓倒塌事故。死亡人數達1,127人、約2,500人受傷,係孟加拉死傷最嚴程嘅工業事故之一。

成棟大樓第五層至第八層都係未經允許而私自建造,實際上許可證只係允許建築4層樓的建築。根據當地新聞媒體嘅報導,當地核查人員喺4月23日(即事故前一日)進行檢查嘅時候已經發現大樓表面出現裂縫,隨即要求疏散大廈入面所有人員而且仲要同時永久關閉呢棟大廈。位於下面幾層嘅幾間商店同一間銀行喺得到消息後即刻關閉,但係服裝工廠負責人(有為唔少fast fahion提供服務,例如:Primark、Walmart)喺4月24日要求工人繼續番工,又同工人講大樓建築並無安全問題。

不人道嘅商業手法真係好嘔心。

4.  我承認一開始我都以為作為一個sustainable fashion blogger我只可以幫襯’ethical fashion brands’。但事實唔係咁嘅。講到尾個重點唔係喺個牌子度,而係喺我哋嘅價值觀個度。  質量重要過數量。  如果我哋單單因為個牌子而係咁喺呢啲ethical brands度買衫,我哋會完全重點錯放。講到尾要做到sustainable fashion、要有意識咁消費,我哋要選擇一啲可以同我哋過人世(或者一段長時間啦)嘅嘢。

4.

我承認一開始我都以為作為一個sustainable fashion blogger我只可以幫襯’ethical fashion brands’。但事實唔係咁嘅。講到尾個重點唔係喺個牌子度,而係喺我哋嘅價值觀個度。

質量重要過數量。

如果我哋單單因為個牌子而係咁喺呢啲ethical brands度買衫,我哋會完全重點錯放。講到尾要做到sustainable fashion、要有意識咁消費,我哋要選擇一啲可以同我哋過人世(或者一段長時間啦)嘅嘢。